കലാശാക്കൊട്ടിനൊരുങ്ങി ജില്ല..!!!

മലയാളവും തമിഴകവും ഒരു പോലെ കാത്തിരിക്കുന്ന മൾട്ടി സ്റ്റാർ ചിത്രം ജില്ല ലോകമെമ്പാടും നാളെ റിലീസ് ചെയ്യുന്നു. കേരളത്തിലെ ലാൽ ഫാൻസും വിജയ് ഫാൻസും ഒരു പോലെ ഉൽസാഹ തിമിർപ്പിനു ഒരുങ്ങുകയാണു. കേരളത്തിൽ മാത്രം 200 കേന്ദ്രങ്ങളിൽ റിലീസ് ചെയ്യുന്ന ജില്ല 2014 ലെ മികച്ച ബ്ലോക്ബസ്റ്റർ ചിത്രമാകുമെന്നു തന്നെയാണു എല്ലാവരുടെയും കണക്കു കൂട്ടൽ.കേരളത്തിൽ ചിത്രത്തിന്റെ വിതരണവകാശം നേടിയിരിക്കുന്നതു മോഹൻലാൽ തന്നെയാണു.

 നേശൻ കഥയെഴുതി സംവിധാനം ചെയ്യുന്ന ചിത്രത്തിന്റെ മൂന്ന് ടീസറുകളൂം ഒരു ട്രെയിലറും യുട്യൂബിലും സോഷ്യൽ മീഡിയകളിലും വൻ തരംഗമാണു സൃഷ്ടിച്ചിരിക്കുന്നതു. ടൈറ്റിൽ കാർഡ്സിൽ ആദ്യം തന്നെ മോഹൻലാലിന്റെ പേരു കാണിക്കുന്നതിനാൽ ലാൽ ആരാധകർ ത്രില്ലിലാണു. ചിത്രത്തിന്റെ സംഗീതം നിർവഹിചിരിക്കുന്നതു ഡി.ഇമ്മനാണു. ഓഡിയോ റിലീസിങ്ങ് നേരത്തേ കഴിഞ്ഞ ജില്ലയുടെ ഗാനങ്ങൾ ഹിറ്റ് ചാർട്ടിൽ ഇടം പിടിച്ചു കഴിഞ്ഞു.  ചിത്രത്തിന്റെ ഇനീഷ്യൽ കളക്ഷൻ മറ്റെല്ലാ തമിഴ് ചിത്രങ്ങളുടെയും റെക്കോഡുകൾ ഭേദിക്കുമെന്നാണു  അണിയറക്കാരുടെ പ്രതീക്ഷ. ചിത്രത്തിന്റെ ടെലിവിഷൻ സം പ്രേക്ഷണ അവകാശം  നേരത്തെ  തന്നെ ഒരു പ്രമുഖ ചാനൽ വൻ തുകയ്ക്കു സ്വന്തമാക്കിയിരുന്നു.

for more visit :: www.filmdict.blogspot.com